Atilla Şereftuğ

Atilla Şereftuğ — Tərcümeyi-hal

Atilla Şereftuğ, 16 noyabr 1950-ci ildə İstanbulda doğulan türk-İsveçrəli bəstəkar, aranjor və pianistdir. Məmur bir ailənin uşağı olaraq cəmi dörd yarım yaşında İstanbul Konservatoriyasına başlamış, yeddi yaşında ilk konsertini vermişdir. On iki yaşında bir musiqi qrupunda piano çalmağa başlayan Şereftuğ, on dörd yaşında Tülay Germanın pianisti və aranjoru olaraq səhnəyə çıxmışdır. On doqquz yaşında Avropa turuna qatılmış, 1974-cü ildə İsveçrəyə köçərək Bern caz konservatoriyasında təhsilinə davam etmişdir.

Nella Martinettinin sözlərini yazdığı iki bəstəsi, Avroviziya Mahnı Müsabiqəsində İsveçrəni təmsil etmişdir: 1986-cı ildə Daniela Simmonsın ifa etdiyi "Pas pour moi" ölkəni ikinci yerə yüksəltmiş, 1988-ci ildə isə Celine Dionun yorumladığı "Ne partez pas sans moi" ilə İsveçrə 1956-cı ildən sonra ikinci dəfə birinci olmuşdur.

Şereftuğ, 1991-ci ildə Daniela Simmons ilə evlənmiş, cütlünün Jason adını verdikləri oğulları 1992-ci ildə dünyaya gəlmişdir. Cem Karacanın Apaşlar qrupunda bas gitara çalan Faruk Şereftuğ, sənətçinin qardaşıdır və 2003-cü ildə öldürülmüşdür.