Lebip Elmas

Lebip Elmas — Tərcümeyi-hal

Lebip Elmas (1909/1910, İstanbul - 8 sentyabr 1987) Fənərbaxçada oynamış türkiyəli futbolçudur.

O, 1909 və ya 1910-cu ildə İstanbulda anadan olmuş və 1933-cü ildə Fənərbaxçanın əsas komandasında forma geyinməyə başlamışdır. Sol cinah və sol müdafiəçi mövqelərində oynayan Elmas 1933-1944-cü illər arasında sarı-lacivərd formada 218 oyuna çıxmış və 10 dəfə də qol vurmuşdur.

Fənərbaxça forması ilə 11 mövsümdə 12 rəsmi çempionluq sevinci yaşamışdır: 1934-35, 1935-36, 1936-37 və 1943-44 mövsümlərində dörd dəfə İstanbul Liqası, 1933-34, 1937-38 və 1938-39 mövsümlərində üç dəfə İstanbul Qalxanı, 1935 və 1944-cü illərdə iki dəfə Türkiyə Çempionatı və 1937, 1940 və 1943-cü illərdə üç dəfə Milli Kume çempionluqları.

İlk mövsümündə (1933-34) türk futbol tarixinə "davalı oyun" kimi düşən 23 fevral 1934-cü il tarixli Fənərbaxça-Qalatasaray qarşılaşmasından sonra hadisələrə qarışmamasına baxmayaraq cəzalandırılan oyunçulardan biri olmuşdur.

Oynadığı dövrdə cəmi üç beynəlxalq oyun keçirildiyinə görə (1937-1948-ci illər arasında İkinci Dünya müharibəsi səbəbindən milli komanda səviyyəsində heç bir oyun oynanılmamışdır) Elmas ən yaxşı formada olduğu dövrlərdə belə milli komanda formasını geyinə bilməmişdir.

Futbolu bitirdikdən sonra, 1952-ci ildə Fənərbaxça camiəsində Kadıköy Qrupu adı ilə bir araya gələn qrupda yer almışdır.