Bilməmək (Bilmemek) (tərcümə)

Bilmemek, Leyla Yılmazın həm yazıb, həm çəkdiyi Türkiyə istehsalı dramdır. Beynəlxalq adı Not Knowing olan film Fransada Une âme secrète başlığı ilə tanınır. 95 dəqiqə davam edən film kinoteatrlarda 13 avqust 2021-ci ildə nümayişə çıxmışdır. Film LGBTİQ qısaltmasındakı "Q" hərfinə, yəni hələ kimliyini sorğulayan və ya seçimini açıqlamaq istəməyən şəxslərə fokuslanır; hər kəsin hər şeyi bilmək istədiyi bir çağda yaşanan qarışıqlığı yeniyetmənin və münasibətləri qopmuş valideynlərinin gözü ilə nəql edir.

Hekayənin mərkəzində həyatından razı olmayan orta təbəqədən bir ailə durur. Selma ilə Sinan artıq bir-birinə güclə dözən cütlükdür; lisey son sinifdə oxuyan oğulları Umut isə özünü sübut etmək dalınca gedir və su polosu komandasında oynayır. Məktəbdə Umutun homoseksual olduğuna dair şayiələr yayılmağa başlayır. Selma ilə Sinan köhnəlmiş nikahları ilə məşğul olarkən şayiələr böyüyür və Umut qəflətən yoxa çıxır. Oğullarını axtararkən ata-ana əslində özlərini çoxdan itirdiklərini anlayır. Baş rollarda Emir Özden, Senan Kara və Yurdaer Okur var; heyətdə Çetin Sarıkartal ilə Levent Üzümcü də yer alır.

Film operatoru İsmail Hakkı Ceyhundur. Film Antalya Film Festivalının müsabiqə proqramında nümayiş etdirildikdən sonra İstanbul Film Festivalının müsabiqə proqramına da daxil olmuşdur. Bir tənqidçi filmi özü üçün çox gözəl sürpriz kimi xatırlamış, beynəlxalq adının "Questioning" olmasının daha yerinə düşəcəyini yazmışdır.