Karolin Şeri (Caroline Chérie) (tərcümə)

Caroline Chérie, Richard Pottierin çəkdiyi, 1951-ci il tarixli ağ-qara Fransız tarixi komediyasıdır. İngilisdilli ölkələrdə Darling Caroline adı ilə tanınan film təxminən 140 dəqiqə davam edir; Alman dilindəki adı Im Anfang war nur Liebe şəklindədir. Baş rolu Martine Carol üstlənir; ona Jacques Dacqmine, Marie Déa və Jacques Dufilho yoldaşlıq edir. Layihənin uğuru Carolun 1950-ci illərin əvvəllərində Fransız kinosunun öndə gələn ulduzlarından biri sayılmasını təmin etmiş; filmdəki bəzi cəsarətli çılpaqlıq səhnələri də onu milli seks simvoluna çevirmişdir.

Hekayə Jacques Laurentin Cécil Saint-Laurent təxəllüsü ilə yazdığı tarixi romana əsaslanır və adındakı Carolinenin məhəbbətlərini danışır. Ssenarini Jean Anouilh yazmışdır. Ansamblda ayrıca Pierre Cressoy, Alexandre Mihalesco, Alfred Adam, Catherine Fonteney, Germaine Kerjean və Georges Géret kimi aktyorlar var. Çəkilişlər Parisdəki Billancourt Studiyalarında aparılmış, dekorları quruluşçu rəssam Jacques Krauss hazırlamışdır.

Uğur iki davam filmi gətirdi: A Caprice of Darling Caroline (1953) və Caroline and the Rebels (1955). Carol birincidə rolunu təkrarladı; ikincidə isə Brigitte Bardot baş rola çıxdı və fərqli bir obraz canlandırdı. Hekayə 1968-ci ildə Darling Caroline adı ilə yenidən çəkildi.