Əlvida Katya (Elveda Katya) (tərcümə)

Elveda Katya, Ahmet Sönmezin rejissorluq etdiyi və 21 dekabr 2012-ci ildə ekranlara çıxan Türkiyə-Rusiya birgə istehsalı olan dram filmidir. Real həyat hekayəsinə əsaslanan filmin süjeti Trabzonda keçir.

Yetimxanada böyümüş Katya, atasının Trabzonlu gəmi kapitanı Yunus olduğunu öyrənəndə onunla tanış olmaq üçün Türkiyəyə gəlir. Lakin Yunus kapitan bu rus gənc qızın öz övladı olduğunu qəbul etmir. Ətrafda yayılan şayiələr və ailənin göstərdiyi reaksiya Katyanı daha da çətin vəziyyətə salır. Ona inanan tək insan olan Yunusun oğlu Velinin dəstəyi ilə atalıq iddiası açılır; iddianın taleyi Katyanın anası Nadyanın ölümündən əvvəl qələmə aldığı məktubla müəyyən olunur.

Baş rollarda Kadir İnanır, Anna Andrusenko və Caner Cindorukun çəkildiyi filmidə Rüçhan Çalışkur da oynamışdır. Film 49-cu Beynəlxalq Antalya Altın Portakal Film Festivalında Ən Yaxşı Musiqi, Ən Yaxşı Qadın Aktyor və Antalya Şəhər Şurası mükafatlarına layiq görülmüşdür.