Pol Pot ilə Görüş (Meeting with Pol Pot) (tərcümə)

Pol Potla Görüş (Rendez-vous avec Pol Pot) — Kambocalı Riti Panhın rejissorluğu ilə 2024-cü ildə çəkilmiş tarixi dram filmi. Fransa, Kamboca, Qətər, Tayvan və Türkiyənin birgə istehsalı olan filmin ssenarisi Riti Panh və Pyer Ervan Qiyom tərəfindən yazılıb və qismən real hadisələrə və Elizabet Bekkerin Qırmızı Khmerlər dövrü haqqında kitabına əsaslanır. Film əsasən fransız dilindədir.

Film, 1978-ci ildə Qırmızı Khmerlərin dəvəti ilə rejim lideri Pol Pot ilə şəxsi müsahibə aparmaq üçün Demokratik Kambocaya səyahət edən üç fransız jurnalistin hekayəsini danışır. İnqilabın uğurunu təsvir edən səhnələşdirilmiş görüşlər vasitəsilə jurnalistlər rejimin gizlətməyə çalışdığı həqiqətlərlə üzləşirlər, bəziləri inanmaq meyli ilə, bəziləri isə şübhə ilə.

Filmdə İren Ceykob, Qrequar Kolin və Siril Qey, Pol Potu isə Riti Pan səsləndirib. Filmin dünya premyerası 77-ci Kann Film Festivalında baş tutub və 97-ci Oskar Mükafatlarında Kambocanın "Ən Yaxşı Beynəlxalq Film" nominasiyasında iştirak edib.