Oyanış: Böyük Səlcuqlu (Uyanış: Büyük Selçuklu) (tərcümə)

Uyanış: Büyük Selçuklu, TRT 1-də 28 sentyabr 2020-ci ildə başlayan tarixi dram janrında bir Türk serialıdır. Bir mövsüm davam edən layihə 31 may 2021-ci ildə yayımlanan 34-cü bölümü ilə final etmişdir. Serial Türkiyədə böyük maraq görmüş, məşhur aktyor heyəti sayəsində tanınma qazanmış; Pakistan, Banqladeş və Qırğızıstan kimi ölkələrdə də sevilmişdir. Eyni il Anadolu Medya Mükafatlarını da qazanmışdır.

Hekayə XI əsrdəki Böyük Səlcuq İmperiyasından bəhs edir: dövlət quruluşunu, siyasi hadisələri və döyüşləri Sultan Məlikşah ilə oğlu Sencerin həyatı üzərindən işıqlandırır. İmperiya Bizans və Xaçlılar kimi xarici düşmənlərə qarşı olduğu qədər daxili üsyanlara qarşı da mübarizə aparır. Məlikşahı Buğra Gülsoy, Sencəri Ekin Koç canlandırır; baş rollarda Hatice Şendil, Gürkan Uygun, Sezin Akbaşoğulları, Sevda Erginci və Mehmet Özgür də yer alır. Serialın davamı mahiyyətində olan Alparslan: Büyük Selçuklu isə Məlikşahın atası Alparslanın şahzadəlik və hökmdarlıq illərini, yəni daha qədim dövrü nəql edir.

Rejissorluğunu Sedat İncinin etdiyi serialın prodüser şirkəti Akli Film, ssenarisini isə Serdar Özönalan yazmışdır. Çəkilişlər Sakarya, İstanbul və Kocaelidə həyata keçirilmiş, təxminən 13 ay davam edən bir hazırlıq dövrü yaşanmışdır. Açılış musiqisini Gökhan Kırdar bəstələmiş, digər musiqiləri Qazax musiqiçilər Türk dünyasının çalğı alətləri ilə ifa etmişlər. Serial Azərbaycanda Xəzər TV-də Azərbaycan dilinə dublyajla da yayımlanmışdır.