Zeynep Değirmencioğlu

Zeynep Değirmencioğlu — Tərcümeyi-hal

Zeynep Değirmencioğlu (12 sentyabr 1954, İstanbul) — türk kino aktrisasıdır. Türk kino tarixinin ən məşhur uşaq ulduzu hesab olunur.

Əsl adı Zeynep Acar olan aktrisa ilk dəfə iki yaşında "Papatya" filmi ilə ekrana çıxmış, "Duvaklı Göl" və "Fırtına" kimi filmlərdə uşaq rolunda görünmüşdür. Əsas şöhrətini 1960-cı ildə çəkilən "Ayşecik" filmi ilə qazanmış, bundan sonra öz adından çox bu adla tanınmışdır.

1956-cı ildən 1974-cü ilə qədər davam edən karyerasında iyirmi beşdən çox filmə çəkilmişdir; onların arasında "Ayşecik ve Sihirli Cüceler Rüyalar Ülkesinde" (1971), "Sinderella Kül Kedisi" (1971), "Pamuk Prenses ve 7 Cüceler" və "Hayat mı Bu" (1972) filmləri vardır.