Melike Öztürk

Melike Öztürk — Biografia

Melike Öztürk është futbolliste turke. Aktualisht luan për kombëtaren e femrave të Turqisë dhe për Beşiktaş JK.

Pasi mori licencën e lojtares te Denizli Pamukkale Üniversitesi Gençlikspor, në sezonin 2015-16 zhvilloi me këtë skuadër 12 ndeshje në Ligën e Tretë dhe shënoi 24 gola. Sezonin pasues u transferua te İncirliova Belediyespor, një tjetër skuadër e Ligës së Tretë. Atje, pasi shënoi 67 gola në 26 ndeshje, në mes të sezonit 2017-18 kaloi te Horozkent. Me këtë skuadër luajti 7 ndeshje dhe shënoi 16 gola. E rikthyer te İncirliova para sezonit 2018-19, Öztürk luajti atë sezon 8 ndeshje dhe e dërgoi topin në rrjetë 13 herë.

Në gusht 2019 u transferua te Ataşehir Belediyespor, klub i Ligës së Parë të femrave. Në sezonin 2019-20, që mbeti i papërfunduar për shkak të pandemisë së COVID-19, luajti 15 ndeshje dhe shënoi 5 gola.

Öztürk, e cila veshi shumë herë fanellën e kombëtareve të moshave duke shënuar gola, u ftua për herë të parë në kombëtaren A në dhjetor 2019. Pasi qëndroi në stol përballë Sllovenisë në Grupin A të kualifikueseve të Euro 2022, debutoi në të njëjtin turne përballë Kosovës.