20 minuta (20 Dakika)

20 Dakika është një serial televiziv turk i zhanrit aksion dhe dramë me firmën Ay Yapım, i transmetuar në Star TV nga 1 janari deri më 27 qershor 2013. Skenari u adaptua nga Kerem Deren dhe Pınar Bulut bazuar në filmin amerikan The Next Three Days. Në serial, jeta e çiftit të lumtur Ali dhe Melek Halaskar përmbyshet kur Melek akuzohet për një vrasje dhe futet në burg; ndërsa Ali përpiqet të provojë pafajësinë e bashkëshortes dhe ta arratisë atë nga burgu, edhe komisari që drejton hetimin futet në ndjekje të së vërtetës.

Pesë episodet e para të serialit u drejtuan nga Serdar Işık, ndërsa më pas karrigia e regjisorit i kaloi Ali Bilgin; muzikën e kompozoi Toygar Işıklı. Prodhimi, me Tuba Büyüküstün dhe İlker Aksum në rolet kryesore, megjithëse ishte planifikuar me 30 episode, përfundoi me episodin e 25-të dhe brenda dy muajve të parë të transmetimit u shit në 30 vende.