BloodRayne

BloodRayne doli në kinema si bashkëprodhim gjermano-amerikan. Filmi, i treti i regjisorit Uwe Boll që adaptohet nga një video-lojë, bazohet në serinë e lojërave me të njëjtin emër të Majesco dhe Terminal Reality dhe funksionon si një paraprirës i lirshëm i lojës së parë. Boll kishte xhiruar më parë filmat House of the Dead dhe Alone in the Dark. Skenari i përket Guinevere Turner.

Historia zhvillohet në Rumaninë e shekullit të tetëmbëdhjetë. Rayne (Kristanna Loken), që jeton në një trupë cirku, ndërsa mbrohet nga njeriu që e keqtrajton, shijon gjak njeriu dhe ky ngjarje e vë përballë identitetit të saj të vërtetë: nëna është njeri, babai vampir. Me kalimin e kohës shndërrohet në një luftëtare që gjuan vampirët në vend të njerëzve. Kur rruga e saj kryqëzohet me dy gjuetarë vampirësh, mëson se ai që e përdhunoi dhe e vrau nënën e saj është mbreti i vampirëve dhe babai i saj, Kagan (Ben Kingsley); udhëtimi i hakmarrjes nis që këtu. Në kast janë edhe Michael Madsen, Michelle Rodriguez, Billy Zane dhe Udo Kier.

Premiera botërore u zhvillua më 23 tetor 2005 në Festivalin e Filmit të Austinit; filmi dolli në ekrane në SHBA më 6 janar 2006 dhe në Gjermani më 14 shtator 2006. Përkundrejt buxhetit të tij prej rreth 25 milionë dollarësh, grumbulloi 3,7 milionë dollarë të ardhura në mbarë botën dhe mori gjashtë nominime për Zmeurën e Artë. Seria vazhdoi më pas me BloodRayne 2: Deliverance (2007) dhe BloodRayne: The Third Reich (2011); të dy dolën drejtpërdrejt në video dhe u pritën keq.