Goliathi dhe Vampirët (Goliath and the Vampires) (përkthyer)

Goliath and the Vampires (me titullin origjinal Maciste contro il vampiro) është një film peplum italian i vitit 1961, i drejtuar nga Sergio Corbucci dhe Giacomo Gentilomo. Prodhimi 105-minutësh, skenari i të cilit është i Duccio Tessarit dhe i Corbuccit, zhvillohet në lashtësi dhe rrëfen historinë e heroit legjendar tepër të fuqishëm Maciste, që lufton kundër një vampiri e njerëzve të tij, të cilët bredhin nëpër fshatra dhe skllavërojnë popullin. Në rolin kryesor është Gordon Scott; në kast janë emra si Gianna Maria Canale, Jacques Sernas, Leonora Ruffo dhe Guido Celano.

Filmi doli në shfaqje në Itali më 21 gusht 1961; shpërndarësi amerikan American International Pictures, duke menduar se emri Maciste nuk kishte kuptim për shikuesin amerikan, e riemërtoi personazhin në dublim si "Goliath". Filmi, i publikuar në vendet spanjishtfolëse me titullin Puños de hierro dhe në Gjermani si Macistes größtes Abenteuer, me përzierjen e zhanreve të gërshetuar me elemente horrori, quhet një nga shembujt e spikatur të nënzhanrit të peplumit fantastik.