Gran Paradiso

Gran Paradiso është një dramë gjermane e vitit 2000, e regjisuar nga Miguel Alexandre. Tregon historinë e Mark-ut, një i ri që mbetet i paralizuar në aksidentin me motoçikletë që i mori jetën edhe të atit dhe që tërhiqet nga jeta, derisa një terapiste me emrin Lisa i premton se do ta ndihmojë të arrijë majën e Gran Paradiso-s. Së bashku me një grup laramanësh të përbërë nga të burgosur dhe persona me aftësi të kufizuara, ai niset në ekspeditën e vështirë malore, duke përballuar pengesë pas pengese. Erhan Emre luan rolin e Rocky-t, një nga anëtarët e ekipit të ngjitjes.