Herkuli (Hercules) (përkthyer)

Hercules është një film aventurë fantastike italo-amerikan i vitit 1983, me skenar dhe regji të Luigi Cozzi-t. Në rolin kryesor është Lou Ferrigno, i kaluar nga trupndërtimi në aktrim; në kast bëjnë pjesë gjithashtu Brad Harris, Sybil Danning dhe William Berger. Filmi, i frymëzuar në mënyrë të lirshme nga mitologjia greke, rrëfen luftën e Herkulit kundër Mbretit Minos, që ndjek sundimin e botës, dhe mbart gjurmë nga filmi i mëparshëm shkencor-fantastik i Cozzi-t, Starcrash. Në histori ndodhen edhe skena ku Herkuli përballet me robotë gjigantë, të animuar me teknikën stop motion. Muzika e filmit i përket Pino Donaggio-s. Produksioni me buxhet të ulët, edhe pse mori kryesisht komente negative nga kritika, arriti një sukses modest në arka dhe me kalimin e kohës fitoi një bazë adhuruesish kult. Ferrigno e përsëriti rolin e tij në 1985, në filmin vazhdim The Adventures of Hercules, gjithashtu me skenar dhe regji të Cozzi-t.