Ditë të thata (Kurak Günler) (përkthyer)

Kurak Günler, i shkruar dhe i regjisuar nga Emin Alper, është një film dramë dhe thriller i vitit 2022, bashkëprodhim i Turqisë, Francës dhe Gjermanisë. Filmi, që e bëri premierën botërore në seksionin Un Certain Regard të Festivalit të Filmit në Kanë 2022, ku ishte kandidat për Queer Palm, premierën në Turqi e bëri në tetor 2022 në Festivalin e Filmit Altın Portakal të Antalya-s.

Prokurorit të ri Emre i del emërimi për në qytezën Yanıklar. Në qytezën e tensionuar nga ndalimi i përdorimit të ujërave nëntokësore, kryetari i bashkisë Selim përpiqet për projektin e tij, që do t'i lidhë ujërat me qytezën përmes tubash të mëdhenj, ndërsa has kundërshtimin e gazetarit Murat. Emre, që para zgjedhjeve vendore përpiqet të mos mbajë anë, zhytet gjithnjë e më shumë në një rreth vicioz në mes të skandalit mjedisor dhe atij të korrupsionit. Filmi fitoi nëntë çmime në edicionin e 59-të të Altın Portakal-it, përfshirë atë për Regjisorin më të Mirë, dhe u vlerësua me çmimin për Montazhin më të Mirë në Çmimet Evropiane të Filmit.