Rreziqet e profesionit (Les risques du métier) (përkthyer)

Les risques du métier është një film dramë francez, i regjisuar nga André Cayatte, që doli në kinema më 21 dhjetor 1967. I përshtatur nga romani me të njëjtin titull i Jean dhe Simone Cornec, filmi trajton çfarë përjeton një mësues i akuzuar padrejtësisht për pedofili; në skenar Cayatte-n e shoqëruan Armand Jammot dhe Jean Cornec.

Filmi ka rëndësi edhe si përvoja e parë në metrazh të gjatë e këngëtarit belg Jacques Brel. Brel luajti bashkë me Emmanuelle Riva, Jacques Harden dhe Nadine Alari, dhe përgatiti gjithashtu muzikën e filmit me François Rauber. Kritikët lavdëruan interpretimin e tij; në Gjermani filmi u shfaq me titullin Verleumdung, kurse në Gjermaninë Lindore si Berufsrisiko.