Shtytësi II (Pusher II) (përkthyer)

Pusher II (i njohur edhe si Pusher II: With Blood on My Hands) është një film krimi danez i vitit 2004, shkruar dhe realizuar nga Nicolas Winding Refn, dhe hallka e dytë e trilogjisë Pusher, që zhvillohet në botën e nëntokës së Kopenhagës. Tonny, të cilin e njihnim nga filmi i parë si ortakun e Frank-ut, gjendet këtë herë në qendër të historisë.

Pasi del nga burgu, Tonny fillon të punojë në garazhin e babait të tij, gangsterit të mbiquajtur "Duka", por nuk arrin dot të fitojë dashurinë dhe respektin e tij; përpjekjet e tij për t'u vërtetuar e çojnë situatën edhe më tej në qorrsokak. Ndërkohë, Tonny mëson se ka një fëmijë me një grua të quajtur Charlotte dhe, i dashur apo jo, detyrohet të përballet me përgjegjësinë e atësisë. Borxhet, marrëveshjet e drogës dhe dhuna që e rrethojnë e tërheqin gjithnjë e më shumë drejt një llogarie të hapur me të atin. Në rolet kryesore janë Mads Mikkelsen, Zlatko Burić dhe Leif Sylvester Petersen.