Lojë e vërtetë (Real Playing Game) (përkthyer)

Real Playing Game (RPG), i shfaqur në Portugali në vitin 2013, është një film fantastiko-shkencor gjuhën origjinale e të cilit është anglishtja. Tino Navarro dhe David Rebordão e kanë drejtuar së bashku filmin; Navarro ka marrë përsipër edhe produksionin dhe skenarin. Rolet kryesore i luajnë Rutger Hauer, Soraia Chaves dhe Pedro Granger; në kast gjendet edhe Nik Xhelilaj.

Historia zhvillohet rreth Steve Battier, një biznesmeni të pasur dhe të moshuar të prekur nga një sëmundje vdekjeprurëse. Një kompani me emrin RPG i ofron atij, në këmbim të një pasurie të madhe, shansin të rilindë në një trup të ri. Dhjetë milionerë nga vende të ndryshme të botës transferohen në trupa të rinj për dhjetë orë; por sipas rregullit të lojës, çdo orë do të vdesë një pjesëmarrës. Ndërsa Steve rrezikon gjithçka për të mbajtur rininë e rikthyer, mëson në mënyrë të dhimbshme që realiteti dhe përvoja që ai percepton ndahen njëri nga tjetri.