Sigurt dhe Shëndoshë 2: Duke filluar nga e para (Sağ Salim 2: Sil Baştan) (përkthyer)

Sağ Salim 2: Sil Baştan është një film turk komik i vitit 2014, regjinë dhe skenarin e të cilit i mori përsipër Ersoy Güler. Filmi është vazhdim i Sağ Salim, i shfaqur në ekrane në 2012.

Këtë herë, Salimi dhe Nihali mbeten vetëm pas zhdukjes së Recait dhe bëjnë plane për t'u arratisur jashtë vendit. Punët e dyshes, që i drejtohen dikujt me nofkën Pala për ndihmë, ndërlikohen kur Salimi shkakton rastësisht vdekjen e këtij njeriu. Ndërsa përpiqen të arratisen me makinën e të vdekurit, kuptojnë se brenda automjetit ndodhen udhëtarë klandestinë të fshehur. Kur mbi këtë shtohet edhe rrëmbimi i nënës së Nihalit, heronjtë tanë e gjejnë veten në një aventurë të rrezikshme plot ngatërresa.

Në rolet kryesore, Salimin e interpreton Burçin Bildik dhe Nihalin Ezgi Asaroğlu. Në kast gjenden gjithashtu aktorë si Nazlı Tosunoğlu, Erkan Bektaş, Hakan Vanlı dhe Burak Demir.