Gjenerata Pod (The Pod Generation) (përkthyer)
Sophie Barthes e shkroi dhe e drejtoi në 2023 filmin e fantashkencës dhe komedisë romantike The Pod Generation. Filmi, bashkëprodhim i Belgjikës, Francës dhe Mbretërisë së Bashkuar, është një satirë shoqërore që zhvillohet në të ardhmen e afërt dhe e trajton prindërimin me humor, në pikën ku takohen teknologjia, natyra dhe shoqëria. Në rolet kryesore janë Emilia Clarke dhe Chiwetel Ejiofor.
Në qendër të historisë janë Alvy (Chiwetel Ejiofor), një botanist që e ka humbur besimin në një botë ku inteligjenca artificiale e ka zëvendësuar natyrën dhe sundon çdo cep, dhe e dashura e tij Rachel (Emilia Clarke). Të dy duan të kenë një fëmijë. Puna e Rachelit u mundëson të përfitojnë nga mundësia e mitrës artificiale të bartshme që ofron Pegasus, kompania gjigante e shkencës dhe teknologjisë; megjithatë kjo metodë e re i sjell çiftin përballë situatave të çuditshme e madje qesharake. Vinette Robinson luan Alicen, Rosalie Craig Lindën; në kast janë edhe Kathryn Hunter dhe Jean-Marc Barr, që luan themeluesin e kompanisë.
Filmi e bëri premierën botërore më 19 janar 2023 në Festivalin e 39-të të Filmit Sundance dhe e fitoi çmimin Alfred P. Sloan të festivalit. Vertical Entertainment, që mori të drejtat e shpërndarjes për Amerikën e Veriut, e nxori filmin në kinema në numër të kufizuar sallash më 11 gusht 2023. Mes shoqërive prodhuese janë Scope Pictures dhe MK2.
| Regjisor | Sophie Barthes |
|---|---|
| Kompania e prodhimit | Scope Pictures |
Reagimet
Mund të zgjidhni deri në 3 reagime.
Kast
Emrat pa lidhje nuk kanë ende profil në këtë faqe.

Komente