Vourdalak (The Vourdalak) (përkthyer)

The Vourdalak (me titullin origjinal Le Vourdalak) është një film francez horror gotik dhe dramë i vitit 2023, prova e parë e Adrien Beau-së në regjinë e një metrazhi të gjatë. Skenari, që Beau e shkroi bashkë me Hadrien Bouvier, mbështetet te novela e vitit 1839 e Aleksey Konstantinoviç Tolstoit, The Family of the Vourdalak.

Markezi d'Urfé, i dërguari i mbretit të Francës, pasi sulmohet dhe mbetet vetëm në një zonë rurale të shkretë, strehohet në një rezidencë të llahtarshme. Familja që e pranon me ngurrim shfaq sjellje të çuditshme ndërsa pret kthimin e të atit, Gorcha; kur Gorcha kthehet në një gjendje ku nuk është më vetvetja, ngjarjet shndërrohen në një makth të vërtetë. Muzika e filmit, i xhiruar me Super 16 mm, është frymëzuar nga kompozimet e Nino Rotës për Kazanovën e Fellinit. Filmi, ku luajnë Kacey Mottet Klein, Ariane Labed, Grégoire Colin dhe Vassili Schneider, bëri premierën botërore në seksionin Java e Kritikëve të Festivalit të 80-të të Filmit në Venecia dhe doli në kinematë e Francës në tetor 2023, duke fituar pëlqimin e kritikëve.