Bogdan Tanjević

Bogdan Tanjević — Tərcümeyi-hal

Boqdan Tanyeviç (serb dilində: Богдан Тањевић) (d. 23 fevral 1947), Yuqoslaviyada anadan olmuş qaradağlı basketbol məşqçisidir. Qaradağ vətəndaşlığı ilə yanaşı İtaliya, Bosniya-Herseqovina və türk vətəndaşlıqlarına da malikdir.

"Qurd müəllim" ləqəbi ilə türk basketbol həvəskarlarının yaddaşında yer alan məşqçi, daha əvvəl KK Bosna, Yuqoslaviya milli basketbol komandası, Juve Kaserta, Pallacanestro Trieste, Olimpia Milano, CSP Limoj, İtaliya milli basketbol komandası, KK Budućnost, Asvel Villeurbanne və Virtus Pallacanestro Bolonya komandalarına rəhbərlik etmişdir. 1996-cı ildə Stefanel Milano komandasına rəhbərlik edərkən, Koraç Kubokunun finalında Efes Pilsenə məğlub olmuşdur. Yuqoslaviya, İtaliya və Fransa liqalarında çempionluq qazanan məşqçi, 1999-cu ildə İtaliya milli basketbol komandası ilə Avropa Çempionatını da qazanmışdır.