Çaqqallarla rəqs 5 (Çakallarla Dans 5) (tərcümə)

Çakallarla Dans 5, rejissorluğunu Murat Şekerin etdiyi və ssenarisini Ali Tanrıverdi ilə birlikdə yazdığı, seriyanın beşinci komediya filmidir. Film, 9 noyabr 2018-ci ildə Türkiyədə nümayişə çıxmışdır.

Filmdə Fikirtepeli dört dost — Kayınço Gökhan, Del Piero Hikmet, Köfte Necmi və Muhasebeci Servet — hakim qarşısına çıxır və bir-birlərinə yüz metrdən çox yaxınlaşmamaq şərti ilə şərti azadlığa buraxılırlar. Lakin bu qadağaya riayət etmək komanda üçün heç də asan olmur. Məhz bu vaxt Gökhan illər əvvəl yaşadığı qısa bir münasibətdən Leyla adlı qızı olduğunu öyrənir. Üstəlik Leyla, varlı və özündənrazı Sinan ilə birlikdədir. Bunu qüruruna sığışdıra bilməyən Gökhan qızını Sinandan ayırmağa qərar verir və tək başına bacara bilməyəcəyini anlayanda köhnə dostlarından kömək istəyir. Qadağanı pozub yenidən bir araya gələn komanda, gənc Leylanı xilas etmək üçün müxtəlif əyləncəli macəralara atılır.

Baş rollarda Şevket Çoruh, İlker Ayrık, Timur Acar və Murat Akkoyunlu yer alır, heyətdə isə Didem Balçın, Şebnem Dönmez, Uraz Kaygılaroğlu və Çağla Irmak kimi adlar da vardır.