Don Juan

Don Juan Jacques Weberin yazıb çəkdiyi və baş rolunu üstləndiyi 1998-ci il istehsalı olan fransız dilli romantik komediya filmidir. Film Molièrin məşhur Dom Juan pyesindən ekrana uyğunlaşdırılıb və Weberin ilk uzunmetrajlı rejissorluq təcrübəsidir.

Fransa, Almaniya və İspaniya birgə istehsalı olan filmdə Weberə Michel Boujenah, Penélope Cruz, Emmanuelle Béart, Ariadna Gil, Denis Lavant və Michael Lonsdale kimi aktyorlar yoldaşlıq edir. Hekayə ətrafındakı hər kəsi yoldan çıxarmağa çalışan, əxlaq qaydalarını saya salmayan əfsanəvi qadınbaz Don Juanın macəralarını və bu yolda başına gələnləri nəql edir.