Fəth 1453 (Fetih 1453) (tərcümə)

Fetih 1453, Faruk Aksoyun rejissorluq edib prodüserliyini öhdəsinə götürdüyü 2012-ci il istehsalı tarixi epik və müharibə filmidir. Aksoy Film imzalı filmin ssenarisi Atilla Engin və İrfan Saruhan tərəfindən qələmə alınmış, tarix üzrə məsləhətçiliyi Feridun Emecen və Hülya Tezcan kimi alimlərdən ibarət qrup aparmışdır. Musiqiləri ingilis bəstəkarı Benjamin Wallfischin imzasını daşıyan film təxminən 18 milyon dollarlıq büdcəsi ilə çəkildiyi dövrün ən bahalı Türk filmi olmuşdur.

Atası II Muradın ölümündən sonra ikinci dəfə taxta çıxan gənc II Mehmedin Konstantinopolu fəth etmək qətiyyətini və bu yolda aparılan mühasirəni mövzu alan filmdə Ulubatlı Hasanın hekayəsi tarixi hadisələrlə iç-içə qurulur. Baş rollarını Devrim Evin, İbrahim Çelikkol və Dilek Serbestin bölüşdüyü film 2012-ci ilin fevralında ekranlara çıxmış və Türkiyədə beş və altı milyon tamaşaçı həddini aşan ilk yerli film olaraq gişə rekordları qırmışdır.