Hitman: Agent 47

Hitman: Agent 47, IO Interactive'in Hitman videooyun serisindən uyğunlaşdırılan və 2007-ci il tarixli ilk filmin yenidən başlanğıcı xarakterindəki 2015-ci il istehsalı bir döyüş-triller filmidir. İlk tammetrajlı rejissorluq cəhdinə imza atan Aleksander Bach'ın çəkdiyi filmin ssenarisini Michael Finch ilə birlikdə, əvvəlki Hitman filmini də qələmə alan Skip Woods yazmışdır. Amerika Birləşmiş Ştatları, Almaniya və Birləşmiş Krallığın birgə istehsalı olan film, dünya premyerasını Avqust 2015-də etdi və ABŞ-də 21 Avqust 2015-də kinoteatrlara çıxdı.

Yalnız ənsəsindəki barkod döyməsinin son iki rəqəmi ilə tanınan genetik cəhətdən təkmilləşdirilmiş sui-qəsdçi Agent 47-ni Rupert Friend canlandırır; heyətdə həmçinin Zachary Quinto, Hannah Ware, Thomas Kretschmann, Ciarán Hinds və Angelababy yer alır. 35 milyon dollar büdcə ilə çəkilən film, dünya üzrə təxminən 82 milyon dollar gəlir əldə etməsinə baxmayaraq tənqidçilər tərəfindən ssenarisi və mənbə materialına sədaqəti səbəbilə mənfi qarşılanmışdır.