Hitman: Agjenti 47 (Hitman: Agent 47) (përkthyer)

Hitman: Agent 47 është një film aksioni-thriller i vitit 2015, i bazuar në serinë e video-lojërave Hitman të IO Interactive, dhe pas filmit Hitman të vitit 2007 e nis serinë nga e para. Filmi, bashkëprodhim i SHBA-së, Gjermanisë dhe Mbretërisë së Bashkuar, doli në kinema në SHBA më 21 gusht 2015. Për regjisorin Aleksander Bach ky është puna e parë artistike. Skenarin e kanë shkruar Skip Woods, që e kishte shkruar edhe filmin e vitit 2007, dhe Michael Finch. Filmi, me buxhet 35 milionë dollarë, pati të ardhura rreth 82 milionë dollarë në mbarë botën, por u prit ashpër nga kritikët.

Personazhi qendror është Agjenti 47, një vrasës i modifikuar gjenetikisht, produkt i një procesi të gjatë kërkimi, i njohur me dy shifrat e fundit të tatuazhit të barkodit në pjesën e pasme të qafës. Agjenti 47, të cilin e luan Rupert Friend, vihet në veprim kundër një kompanie gjigante që përpiqet ta zgjidhë sekretin e tij dhe të rrisë një ushtri vrasësish me të njëjtën formulë. Në këtë rrugë merr ndihmën e Katias, një gruaje të re. Katian e luan Hannah Ware. Zachary Quinto, Thomas Kretschmann, Ciarán Hinds, Emilio Rivera dhe Angelababy janë gjithashtu në kast.

Roli i Agjentit 47 fillimisht iu dha Paul Walkerit dhe pas vdekjes së tij kaloi te Friend. Xhirimet nisën më 18 shkurt 2014; filmi përmendet si prodhimi i parë i Hollivudit i xhiruar në Singapor. Kritikët e kritikuan skenarin, efektet vizuale dhe pabesnikërinë ndaj serisë së lojës, por e vlerësuan aksionin, muzikën dhe disa interpretime.