KBV – Keine besonderen Vorkommnisse

KBV – Keine besonderen Vorkommnisse, Avstraliya istehsalı No Activity serialından uyğunlaşdırılan bir Alman cinayət-komediya serialıdır. Lutz Heineking junior imzalı layihənin ilk mövsümü fevral 2021-ci ildə TVNOW platformasında yayımlandı; hələ yayımlanmadan sifariş edilən ikinci mövsüm isə həmin ilin noyabr ayında tamaşaçı ilə görüşdü.

Serialda, bir anbarda qeyri-qanuni işlərin getdiyindən şübhələnən iki komissar, binanı gecə boyu izləməklə vəzifələndirilir. Lakin günlər keçməsinə baxmayaraq ortada heç bir hərəkətlilik yoxdur. Darıxdırıcılıqdan cana doyan ikili, şəxsi həyatlarına dair bəzən olduqca qrotesk hekayələr danışmağa başlayır. Nəzarət məntəqəsindəki vəzifəli məmurlar da oxşar bir cansıxıcılıqla baş-başadır. Hamının bilmədiyi şey isə anbardakı iki cinayətkarın da hərəkətli keçmişlərindən absurd xatirələr bölüşərək vaxt keçirdiyidir.