Lagaan

Ashutosh Gowarikerin yazıb çəkdiyi Hind epik dövr idman dramı Lagaan (tam adı ilə "Lagaan: Once Upon a Time in India") 2001-ci il istehsalıdır. Aamir Khanın həm baş rolunu üstləndiyi, həm də prodüserliyini etdiyi film onun qurduğu Aamir Khan Productionsın ilk layihəsi olma xüsusiyyətini daşıyır. 1893-cü ildə İngilis müstəmləkə idarəsi altındakı Mərkəzi Hindistanda, Champaner bölgəsinin bir kəndində keçən hekayədə illərdir davam edən quraqlıq və ağır vergilər altında əzilən kəndlilər qürurlu bir İngilis zabitin irəli sürdüyü təhlükəli mərclə qarşılaşır: kriket oyununu qazansalar vergilər üç il ləğv ediləcək, uduzsalar üç qatını ödəyəcəklər.

Gənc əkinçi Bhuvanın (Aamir Khan) rəhbərliyi altındakı kəndlilər həyatlarında heç görmədikləri bu oyunu öyrənməyə məcbur qalır; ən böyük dəstəkçiləri isə zabitin bacısı Elizabeth olur. Bu filmlə kinoya addım atan Gracy Singh ilə Rachel Shelley və Paul Blackthorne kadrda yer alır; musiqiləri A. R. Rahman bəstələmişdir. Göstərildiyi dövrün ən bahalı Hind filmi olan film səkkiz Filmfare mükafatı qazanmış və Ən Yaxşı Xarici Dildə Film sahəsində Oskara namizəd göstərilən üçüncü Hind filmi olmuşdur.