Ləkə (Leke) (tərcümə)

Leke, 16 aprel 2019-cu ildə Kanal D-də yayımlanmağa başlayan Türk televiziya serialıdır. İstehsalını TİMSBİ Productions-ın üstləndiyi dram və ailə mövzulu serialın rejissorluğunu ilk altı seriyada Metin Balekoğlu, son üç seriyada isə Şenol Sönmez etmişdir. Ssenari heyətində Yıldız Tunç, Su Ersöz, Derem Arpacı, Sedef Bayburtluoğlu və Eylül İdiman yer almış, baş rolları Burak Sevinç ilə Melis Sezen paylaşmışdır.

Hekayə, Almaniyada başlayıb həyatın eniş-yoxuşlarına baxmayaraq hüquq fakültəsinə qəbul olan Yasemini izləyir. Həm oxuyub həm də işləyən gənc qadının ən böyük məqsədi, tərbiyə evində böyüyən eşitmə əngəlli qardaşı Muratın himayəsini götürmək və əməliyyatı üçün pul yığmaqdır. Cem isə varlı bir ailənin böyük oğludur; uşaqlığında ana və atasını bir-birindən ayıran bir hadisəyə şahid olmuş, iş dünyasında parlaq və uğurlu olsa da keçmişi üzündən qadınlara qarşı məsafəli və etibarsız bir kişidir. Yasemin ilə Cemin yolları, Cemin şirkətinin təşkil etdiyi bir tədbir gecəsində baş verən hadisə ilə kəsişir və iki yaralı qəlb sevgisi qaranlıq sirlərin, tamahların və intriqaların arasında cücərməyə çalışır.

Serial, bir mövsümdə doqquz seriya yayımlanmış və 18 iyun 2019-cu ildə ekrana gələn seriyası ilə mövsüm finalı edərək yayımdan götürülmüşdür.