Osman Marketinq (Osman Pazarlama) (tərcümə)

Osman Pazarlama, 19 fevral 2016-cı ildə ekranlara çıxan türk komediya filmidir. Rejissorluğunu Togan Gökbakarın öhdəsinə götürdüyü filmin ssenarisini Şahan Gökbakar ilə Togan Gökbakar birlikdə yazmış, prodüserliyini Şahan Gökbakar etmişdir. Çamaşırhane Film istehsalı olan və yayımını Warner Bros. şirkətinin həyata keçirdiyi lentdə Şahan Gökbakara Esra Balıkçı və Demet Akalın yoldaşlıq edir.

Film, İstanbulun orta səviyyəli bir məhəlləsində yaşayan Osman Şaşmazın hekayəsini danışır. Bir tərəfdən Uzaq Şərqdən gətirdiyi məhsulları satmağa çalışan, digər tərəfdən özünün hazırladığı maraqlı ixtiralara sərmayəçi tapıb varlanmağı arzulayan Osmanın əsl məqsədi, aşiq olduğu qızın atasına özünü sübut etməkdir. Bu yolda ən böyük dəstəkçiləri sağ əli Erkan və ailə dostlarının qızı Songül olur. Gülməli, lakin maraq görməyən təşəbbüsləri qarşısında ruhdan düşməyən Osman, sonda varlılığın sandığı qədər uzaqda olmadığını kəşf edir.