Patron Xoşbəxt Son İstəyir (Patron Mutlu Son İstiyor) (tərcümə)

Patron Mutlu Son İstiyor, Kıvanç Baruönünün çəkdiyi, ssenarisini Yılmaz Erdoğanın qələmə aldığı 2014-cü il istehsalı türk komediya filmidir. Baş rolları Tolga Çevik, Ezgi Mola və Murat Başoğlu bölüşərkən heyətdə Erkan Can ilə Ersin Korkut da yer alır.

Prodüser İsfendiyar, ssenarist Sinanı romantik komediya ssenarisi yazması üçün Kapadokyaya göndərir. Lakin rəisi işi tez bitirməsi üçün təzyiq göstərərkən Sinanın ağlında heç bir fikir yoxdur. Qaldığı butik otelin sahibi İzzet bəyin qızı Eylüllə tanışanda ondan təsirlənir və ssenarini öz yaşadıqları üzərinə qurmağa qərar verir. Amma Eylül məşhur aktyor Farukla nişanlıdır və evliliyə hazırlaşır. Üstəlik Faruk ilə Sinan əvvəllər yaxın dost olub; Sinanın Farukun sevgilisini əlindən alması üzündən ikili artıq düşməndir. Tolga Çevik filmdə həm Sinanı, həm də Ferruh Abi kimi tanınan İsfendiyarı canlandıraraq iki rolu birdən öz üzərinə götürür.