Şahmaran

Şahmaran, Umur Turağayın rejissorluğu, Pınar Bulutun ssenari müəllifliyi ilə çəkilən və ilk bölümü 20 yanvar 2023-cü ildə yayımlanan bir türk Netflix serialıdır. Tims&B Productions tərəfindən istehsal olunan serial, fantaziya, dram, macəra və triller elementlərini özündə birləşdirir. İki mövsüm və cəmi 14 bölümdən ibarət olan ikinci mövsümün premyerası 8 avqust 2024-cü ildə baş tutub.

Hekayə İstanbulda psixologiya müəllimi olan Şahsunun iş üçün Adanaya getməsi ilə başlayır. Orada o, illər əvvəl anasını tərk edən babası ilə qarşılaşmaq qərarına gəlir və yarı qadın, yarı ilan olan mifoloji varlıq Şahmerana inanan və qədim bir peyğəmbərliyin yerinə yetməsini gözləyən bir cəmiyyətə cəlb olunur. Maran adlı sirli bir kişi ilə qarşılaşması onun həyatının axışını kökündən dəyişdirir.

Baş rolları Serenay Sarıkaya (Şahsu) və Burak Dəniz (Maran) ifa edirlər. Rollarda Mustafa Uğurlu, Mahir Günşıray, Mert Ramazan Demir, Hakan Karahan, Ebru Özkan, Nilay Erdönmez və Saadet Işıl Aksoy da var. Çıxışından sonra dünya səviyyəsində qısa müddətdə milyonlarla saat izlənilən serial, kinematoqrafiyası və mifoloji hekayəsi ilə diqqət çəkib.