Todos lo saben

İranlı rejissor Asghar Farhadinin ssenarisini yazıb çəkdiyi ispan dilində psixoloji triller Todos lo saben (Everybody Knows, Türkiyədə Herkes Biliyor) 2018-ci il istehsalıdır. İspaniya, Fransa və İtaliyanın birgə istehsalı olan film Farhadinin ilk ispan dilli işidir. 8 May 2018-ci ildə 71-ci Kann Film Festivalının açılış filmi kimi göstərilib və Qızıl Palma Budağı üçün yarışıb.

Laura əri və uşaqları ilə Buenos-Ayresdə yaşayır. Bacısının toyu üçün doğulub böyüdüyü ispan kəndinə qayıdır; ailə və köhnə tanışlar yenidən bir araya gəlib. Qeyd-etmənin ortasında Lauranın böyük qızı qaçırılır və bunu kimin etdiyini heç kim bilmir. Axtarış davam edərkən qohumlarla kəndlilər arasında gərginlik artır, keçmişdə gizli qalmış sirlər üzə çıxır. Farhadinin bir çox filmində olduğu kimi ailə bağları və əxlaqi seçimlər sorğulanır. Baş rolları Penélope Cruz, Javier Bardem və Ricardo Darín bölüşür; Eduard Fernández, Inma Cuesta və Bárbara Lennie də heyətdədir.

Çəkilişlər 21 Avqust 2017-ci ildə İspaniyada başlayıb, dekabrda bitib; səhnələrin çoxu Madrid Muxtar Regionundakı Torrelagunada çəkilib. Prodüserlər Memento və Morenadır. Film İspaniyada 14 Sentyabr 2018-ci ildə, Türkiyədə 8 Mart 2019-cu ildə nümayişə çıxıb və tənqidçilərdən müsbət rəylər alıb.