Gülsüm Kamu

Gülsüm Kamu — Biografia

Gülsüm Kamu (me emrin e lindjes Mine Gülsüm Kefeli, l. 13 gusht 1944, Sürmene, Trabzon), është aktore turke e teatrit, kinemasë dhe serialeve.

Kamu, e cila studioi në Liceun Francez për Vajza Notre-Dame de Sion në Stamboll, pati përvojën e saj të parë teatrale falë udhëzimit të fqinjës së saj Yıldız Kenter dhe u ngjit në skenë në kuadër të Kent Oyuncuları në fillim të viteve 1960. Më pas punoi në teatrot Gen-Ar dhe Gülriz Sururi-Engin Cezzar. Artisitja, e cila hyri në kinema me filmin Afilli Delikanlılar në 1964, luajti gjatë viteve 1960 në shumë filma të Yeşilçam-it si Krallar Kralı (1965), Beyaz Atlı Adam (1965), Sabah Yıldızı (1968) dhe Melikşah (1969).

Kamu, e cila për një periudhë u mor edhe me këndim, u kthye në Turqi pasi u martua dhe u nda nga aktori iranian Cihangir Gaffari dhe themeloi teatrin Kamu Tiyatrosu që mbante emrin e saj; pas falimentimit të trupës u mor me punë të ndryshme, e më vonë iu rikthye Kent Oyuncuları. Ajo pati edhe një martesë të shkurtër me Müşfik Kenter. Në vitet 2000 vazhdoi të shfaqej në ekran me seriale televizive dhe produksione si 72. Koğuş (2011).