Nebahat Çehre

Nebahat Çehre — Biografia

Hilal Nebahat Çehre, sipas regjistrave lindi në vitin 1944 në Samsun; ishte fëmija i vetëm femër i një familjeje me nënë lake dhe baba me origjinë gjeorgjiane, dhe pas vdekjes së hershme të babait u shpërngul me familjen në Stamboll në moshën pesë vjeç. Në vitin 1960 u zgjodh Miss Turqi dhe përfaqësoi vendin e saj në konkursin e Bukurisë Botërore në Londër, ndërsa në vitin 1965 në konkursin Miss Universe në Miami.

Çehre, e cila hyri në kinema në vitin 1961 me filmin Yaban Gülüm të Ümit Utku, ndau rolin kryesor me Yılmaz Güney në trembëdhjetë filma midis viteve 1964-1968 dhe për një kohë të shkurtër u martua me të në vitet 1967-1968; midis viteve 1976-1979 bëri martesën e saj të dytë me basketbollistin kombëtar Yavuz Demir. Artitstja, e cila u mor me këndim midis viteve 1970-1991, u bë e njohur me këngën Büklüm Büklüm, kompozim i Sezen Aksu. Në vitet 2000 u kthye në televizion duke portretizuar Firdevs Yöreoğlu në Aşk-ı Memnu dhe Hafsa Sultan në Muhteşem Yüzyıl; gjatë karrierës së saj fitoi shumë çmime nderi, ndër të cilat edhe Altın Portakal dhe Festivali i Filmit i Stambollit.