Një bir i keq (A Bad Son) (përkthyer)

Un mauvais fils (A Bad Son), film drama francez i vitit 1980, i regjisuar nga Claude Sautet, i cili shkroi skenarin bashkë me Daniel Biasini dhe Jean-Paul Török, tregon përpjekjen e një të riu për ta rindërtuar jetën e tij pasi kthehet në Francë nga Amerika, ku kishte kaluar pesë vjet burg për krim droge. Patrick Dewaere-in në rolin kryesor e shoqërojnë Yves Robert në rolin e babait të ve dhe Brigitte Fossey në rolin e gruas së re ish-varur nga droga, në të cilën ai bie në dashuri; Jacques Dufilho luan rolin e librashitësit.

Filmi mori kritika pozitive, pavarësisht bojkotit të shtypit ndaj Dewaere-it gjatë daljes së tij në ekran, dhe arriti mbi një milion shikues në Francë. Prodhimi, i nominuar në gjashtë kategori në çmimet César, i solli Jacques Dufilho-s çmimin për aktorin më të mirë dytësor.