Sezoni i gjuetisë (Av Zamanı) (përkthyer)

Av Zamanı është një film turk dramë i vitit 1988, i regjisuar nga Erden Kıral, me skenar të shkruar nga Ferit Edgü. Filmi, i prodhuar nga Mine Film, ka muzikën e Sarper Özsan-it dhe drejtimin e fotografisë të Kenan Ormanlar-it.

Historia zhvillohet në mjedisin e dhunës dhe të terrorit të periudhës së grushtit të shtetit të 12 shtatorit. Një shkrimtar, që gjatë ditëve të vështira strehohet në Ishullin Cunda, njihet aty me një grua të ve që punon në ishull, dhe i frymëzuar prej saj, fillon të shkruajë përsëri. Aytaç Arman interpreton shkrimtarin, ndërsa në kast marrin pjesë edhe Zihni Küçümen, Şerif Sezer, Nüvit Özdoğru dhe Dilaver Uyanık.

Filmi fitoi çmimin për Filmin më të mirë në Festivalin e 2-të të Filmit të Ankarasë dhe u pranua në Festivalin Ndërkombëtar të Filmit të Berlinit, edicioni i 38-të.