Bokaçio (Boccaccio) (përkthyer)

Boccaccio është një film komedi, bashkëprodhim italo-francez i vitit 1972, i shkruar dhe i regjisuar nga Bruno Corbucci; në skenar Corbuccin e shoqëroi Mario Amendola, ndërsa muzikën e kompozoi Carlo Rustichelli. Filmi, i xhiruar në gjuhën italiane, është përshtatur lirisht nga Decameron-i i Giovanni Boccaccio-s dhe e vendos historinë e tij në Firence.

Produksioni shihet si një hallkë e zinxhirit të komedive derivative që u shfaqën pas suksesit të filmit Decameron të Pier Paolo Pasolinit, të vitit 1971. Përveç aktorëve si Pascale Petit, Guido Celano, Ignazio Leone, Nello Pazzafini, Gastone Pescucci dhe Luca Sportelli, në kast gjenden edhe komedianë të njohur të kohës si Enrico Montesano, Lino Banfi dhe Pippo Franco.