Hyrja (Coming In) (përkthyer)

Coming In është një komedi romantike gjermane e vitit 2014 e drejtuar nga Marco Kreuzpaintner. Në film, Kostja Ullmann e luan Tom Herzner-in, një parukier të famshëm homoseksual; Tom fillon të punojë në një salon parukerie në Berlin-Neukölln për një studim në terren dhe dashurohet në mënyrë të papritur me pronaren e salonit Heidi (Aylin Tezel).

Në kast gjenden gjithashtu emra si Ken Duken, Katja Riemann, August Zirner, Denis Moschitto, Frederick Lau dhe Hanno Koffler. Filmi, xhirimet e të cilit u zhvilluan në vjeshtën e vitit 2013 në Berlin, është një bashkëprodhim i kompanisë Summerstorm Entertainment të Kreuzpaintner-it dhe Warner Bros., dhe është shfaqur në Gjermani më 23 tetor 2014. Prodhimi ka krijuar polemika midis kritikëve për shkak të temës së tij dhe ka arritur rreth 146 mijë shikues.