Yjësia e largët (Distant Constellation) (përkthyer)

Distant Constellation është një film dokumentar turk i vitit 2017, i drejtuar nga Shevaun Mizrahi. Në filmin rreth 80-minutësh, të prodhuar nga Deniz Buga dhe Shelly Grizim, flitet turqisht, anglisht, armenisht, frëngjisht, greqisht dhe kurdisht. Filmi, që ofron një vëzhgim poetik mbi moshën dhe kujtesën, ngjalli jehonë të gjerë në udhëtimin e vet nëpër festivalet ndërkombëtare.

Dokumentari fitoi Çmimin e Kritikëve Ndërkombëtarë FIPRESCI në Viennale, çmimin për filmin më të mirë në Festivalin Ndërkombëtar të Filmit në Jeonju në vitin 2018, përmendjen e veçantë të jurisë në Lokarno dhe çmimin New Waves për jofiksionin në Festivalin e Filmit të Seviljes; përveç kësaj mori çmimin për filmin më të mirë në DokuFest dhe çmimet për dokumentarin më të mirë në festivalet e Tacomas dhe të Kajsisë së Artë në Jerevan. Filmi, i nominuar për Çmimet Independent Spirit të vitit 2018, u përfshi në listën e Film Comment për filmat më të mirë të pashpërndarë të vitit 2017 dhe u zgjodh filmi i muajit nga revista Sight & Sound. Hollywood Reporter e cilësoi atë si "një xhevahir të heshtur".