Nëntëdhjetë e Nëntë Mustafa (Doksan Dokuz Mustafa) (përkthyer)

Doksan Dokuz Mustafa është një dramë turke bardhezi e vitit 1958; familja, fëmija dhe dashuria e ndaluar janë temat e saj kryesore. Filmi njihet shkurt edhe me emrin 99 Mustafa. Filmin Sami Ayanoğlu e ka shkruar dhe e ka drejtuar. Prodhues është Hasan Tual dhe prodhimi i përket Tual Film. Drejtor i fotografisë është Lazar Yazıcıoğlu, ndërsa muzikën e ka përgatitur Kadri Şençalar.

Në qendër të historisë është Fuat: një burrë i martuar, me dy fëmijë, që drejton një dyqan stofash. Fuat i ka rënë në dashuri Melahat-it, këngëtares së preferuar të klubit të natës Cuba. Mustafa, djali i Fuatit, shkon në shkollë fillore, numri i tij në shkollë është 99, është fëmijë i lidhur me babanë dhe familjen e tij, i suksesshëm në mësime. Bashkë me nënën refuzon t'i nënshtrohet kësaj marrëdhënieje. Mustafa vendos të takohet ballë për ballë me Melahat-in, ta bindë të heqë dorë nga babai i tij dhe ta rikthejë babanë në familje.

Fuat-in e luan Hayati Hamzaoğlu, Melahat-in Gönül Bayhan, Mustafa-n e vogël Cumhur Kersin, nënën Saliha Tekneci; zërin e Hamzaoğlu-t e ka dhënë Reşit Gürzap. Në ekip, krahas Haydar Karaer, Faik Coşkun, Tevhid Bilge, Vahi Öz, Necdet Tosun dhe Necdet Mahfi Ayral-it në rolin e Monsieur-it, luajnë edhe prodhuesi Hasan Tual dhe regjisori Sami Ayanoğlu.