Një pjesë e imja (Kaderimin Yazıldığı Gün)

Kaderimin Yazıldığı Gün është një serial televiziv turk i zhanrit dashuri-dramë, prodhuar nga O3 Medya, i cili nisi më 14 tetor 2014 në Star TV dhe përfundoi më 29 dhjetor 2015 me episodin e 50-të. Prodhimi me dy sezone, i regjisuar nga Sadullah Şentürk, është përshtatje e telenovelës argjentinase Mujer comprada, shkruar nga Ligia Lezama. Në rolet kryesore luajtën Özcan Deniz, Hatice Şendil, Begüm Kütük Yaşaroğlu dhe Gürbey İleri.

Seriali tregon historinë e Kahraman Yörükhan-it, një pronar i pasur tokash që dëshiron të ketë fëmijë por mëson se bashkëshortja e tij është sterile, dhe të Elif-it, që punon në fshat. Nëna e Kahraman-it i mashtron mjekët për ta bërë fekondimin in vitro me vezët e Elif-it, çka pas lindjes, së bashku me ndjenjat që fillojnë të flakërojnë mes Elif-it dhe Kahraman-it, nxit një dramë të mbushur me sekrete.