Korbi (Kuzgun) (përkthyer)

Kuzgun është një serial televiziv turk, prodhim i Ay Yapım, me skenar të shkruar nga Burcu Görgün Toptaş dhe Özlem Yılmaz, ku rolet kryesore i ndajnë Barış Arduç dhe Burcu Biricik. Seriali, që bart elemente drame, aksioni dhe romance, filloi të transmetohej në Star TV më 13 shkurt 2019 dhe përfundoi aventurën e tij në ekran në dy sezone, me episodin e 21-të të transmetuar më 16 tetor 2019.

Historia trajton udhëtimin njëzetvjeçar, plot skllavëri, dhimbje, zemërim dhe luftë, të Kuzgun-it, jeta familjare e të cilit u përmbys si rezultat i një kurthi të vënë kundër babait të tij, polic nga profesioni. Në kast marrin pjesë gjithashtu emra si Onur Saylak, Hatice Aslan, Ahsen Eroğlu, Settar Tanrıöğen dhe Levent Ülgen. Seriali u shfaq para publikut edhe jashtë vendit, në kanale të ndryshme, me emra të ndryshëm.