Revolucioni francez (La Révolution française) (përkthyer)

La Révolution française është një film dramë historike dy-pjesësh, xhiruar në 1989 si koproduksion franko-italo-kanadez me rastin e 200-vjetorit të Revolucionit Francez. Pjesa e parë "Les Années lumière", e drejtuar nga Robert Enrico, mbulon ngjarjet nga thirrja e États généraux në 1789 deri në sulmin ndaj Pallatit Tuileries më 10 gusht 1792; pjesa e dytë "Les Années terribles", e drejtuar nga Richard T. Heffron, mbulon periudhën nga burgosja e Louis XVI dhe familjes së tij në burgun Temple deri në ekzekutimin e Robespierre.

Skencari i filmit, të xhiruar në frëngjisht dhe anglisht, i përket David Ambrose, Daniel Boulanger dhe Robert Enrico; historianit specialist të epokës Jean Tulard i ka shërbyer si këshilltar. Pavarësisht nga një kast ndërkombëtar dhe një buxhet kolosal prej rreth 300 milionë frangash, filmi ka qenë një dështim komercial; është përgatitur gjithashtu një version më i gjatë për televizion.