Jetë e Gëzuar (Neşeli Hayat) (përkthyer)

Neşeli Hayat është një film komedi, i shkruar dhe i regjizuar nga Yılmaz Erdoğan, i cili luan edhe rolin kryesor, dhe që doli në kinematë e Turqisë më 27 nëntor 2009. Në filmin e prodhuar nga BKM, Oğuzhan Koç e ka ndihmuar Erdoğanin në skenar, ndërsa pjesa më e madhe e kastës është formuar me aktorë nga ekipi i Çok Güzel Hareketler Bunlar.

Filmi tregon historinë e Rıza Şenyurt, një njeriu të qetë që nuk i dëmton askënd, i cili për të mbijetuar punon me orar të pjesshëm si Babagjysh i Vitit të Ri në një qendër tregtare. Ky njeri i zakonshëm, që nuk njeh personazhin që interpreton, ndërsa përpiqet t'i ngjitet jetës, niset në një udhëtim njëherësh qesharak dhe melankolik. Sipas Erdoğanit, personazhi është i mbërthyer midis botës së shtresës së lartë të perëndimizuar dhe asaj të klasës punëtore në lindje të vendit. Filmi u bë një nga filmat turq më të shikuar të vitit 2009 dhe u shfaq në seksionin konkurrues të 29. Uluslararası İstanbul Film Festivali.