Ëndrra e Fluturës (Kelebeğin Rüyası) (përkthyer)

Kelebeğin Rüyası është një film dramatik turk i vitit 2013, i shkruar dhe i regjisuar nga Yılmaz Erdoğan. Prodhimi, i realizuar nga BKM Film, bazohet në historinë e vërtetë të dy poetëve të rinj, Rüştü Onur dhe Muzaffer Tayyip Uslu, të cilët jetonin në Zonguldak, qytetin e minatorëve që ndodhej ende në rrugën e modernizimit, gjatë viteve të Luftës së Dytë Botërore.

Derisa punonin si nëpunës, këta dy miq ia kushtonin jetën poezisë dhe njëkohësisht luftonin edhe me tuberkulozin, sëmundjen e përhapur të asaj periudhe. Me kthimin në qytet të Suzanit, vajzës studente e kryetarit të bashkisë, midis të treve lind një miqësi e ngushtë. Rolet kryesore i ndajnë Kıvanç Tatlıtuğ dhe Mert Fırat; Yılmaz Erdoğan interpreton gjithashtu mësuesin e letërsisë së poetëve, Behçet Necatigil. Filmi u zgjodh si kandidat i Turqisë për filmin më të mirë në gjuhë të huaj në 86. Academy Awards, por nuk arriti të merrte nominimin. Muzika e Rahman Altın ka fituar çmime ndërkombëtare.