Dosje Sekrete (Sır Dosyası) (përkthyer)

Sır Dosyası është një seri televizive turke, e transmetuar në Star TV në vitin 1999, që zgjati vetëm pesë episode. Megjithëse përfundoi herët për shkak të reitingjeve të ulëta, ajo përmendet si një prodhim jashtëzakonshëm, i cili me efektet speciale që përdori dhe fabulën policore me elemente paranormale, arriti disa të para në historinë e televizionit turk.

Seria trajton rastet me të cilat përballet njësia e quajtur "zyra blu", e krijuar brenda Drejtorisë së Sigurisë për të hetuar ngjarjet paranormale me metoda gjyqësore dhe shkencore. Në kastin e prodhimit, skenarin dhe regjinë e të cilit i morën përsipër së bashku Yağmur Taylan dhe Durul Taylan, gjenden emra si Ayça Bingöl, Mehmet Günsür, Zafer Ergin dhe Özge Özberk.