Takimi i Fundit (Son Bulusma) (përkthyer)

Son Buluşma është një dokumentar turk, skenari dhe regjia e të cilit u realizuan nga Nesli Çölgeçen, i xhiruar në 2007 dhe i shfaqur në 2008. Filmi trajton kujtimet dhe jetën e përditshme të tre veteranëve të fundit të gjallë të Luftës së Çlirimit, Ömer Küyük, Veysel Turan dhe Yakup Satar.

Në dokumentar, "Ushtari Shënjestrues Ömer" nga Çorumu shkon fillimisht në Ankara për të vizituar Anıtkabir-in, varrin e komandantit të tij Mustafa Kemal Atatürk, më pas niset për të parë "Kaporalin e Shëndetësisë Veysel" në Konya dhe "Kalorësin Yakup" në Eskişehir. Në kohën e xhirimeve, në vitin 2006, të tre veteranët i kishin kaluar njëqind vjet; ata ndanë kujtimet e tyre dhe i thanë lamtumirë njëri-tjetrit. Pak kohë pas xhirimeve, të tre humbën jetën dhe asnjëri prej tyre nuk arriti të shohë premierën e mbajtur më 14 nëntor 2008 në Çorum, qytetin e lindjes së Ömer Küyük-ut.