Lojëra spiunazhi (Spy Games) (përkthyer)

Spy Games (i shfaqur në disa vende me titullin History Is Made at Night) është një film spiunazhi dhe aksioni i vitit 1999, bashkëprodhim Finlandë-Mbretëri e Bashkuar-Francë. Regjinë e mori përsipër Ilkka Järvi-Laturi, skenari u shkrua nga Patrick Amos, ndërsa xhirimet u kryen në Helsinki dhe në Nju Jork. Filmi e bëri premierën më 10 shtator 1999 në Festivalin Ndërkombëtar të Filmit në Toronto.

Historia zhvillohet në Helsinkin e pas Luftës së Ftohtë. Rrugët e Harry-t, agjentit të CIA-s të lodhur nga jeta e tij, dhe të agjentes së re të SVR-së, Natasha-s, kryqëzohen; Natasha, që e ndjek Harry-n për detyrë, me kohë dashurohet me objektivin e saj dhe të dy luftojnë për të shpëtuar botën, jetët e tyre dhe dashurinë e tyre të fshehtë. Në rolet kryesore të filmit, që përzien romancën, aksionin dhe tensionin, janë Bill Pullman, Irène Jacob dhe Bruno Kirby.